زي ماحكيت المرة اللي فاتت, الثلاث سنين بتوع جامعة دول كانوا فترة انفتاح , فيها بحث عن الاخر و ايضا بحث عن الذات بس مش دا موضوعنا حصل فيها احداث كتيرة كلها قصيرة المدة. كان فيه موضوع كده مع زميل مدرسة 2, و كلاكيت تاني مرة مع زميل مدرسة 1 و زي ما قلتلكم, انا اصلي مسحوبة من لساني, فلما بيكون عندي مشاعر معينة , بقول على طول... هبلة بقى, هنعمل ايه. النقطة ان بحسس ان لو الواحد مقالش علشان مكسوف او موضوع "كرمتي" او "انا بنت... لازم الولاد تجري ورايا مش انا الي اجري وراهم" ان الواحد كده ممكن يضيع فرصة لحاجة جميلة, و بعدين يعني , اسواء حاجة حتحصل ايه, هايقولوا لأ؟ كلهم قالوها و عادي. وبعدين انا سمعت اشكال و الوان من ال لأ و برده عادي, مبتلزئش. في واحد قالي : يا ياسمين انتي زي اخويا الكبير. مش أختيزز أخويا. انا و هو عادي لسه اصحاب لحد دلوقتي. واحد تان قالي: انا كنت شاكك و بكدب نفسي. ليه, هو انت ملقيتيش حد احسن مني؟ و برده الواد ده لسه صحبي و عادي برده. في واحد مرة قال : و هو ده بظبط اللي كنت خايف منه. التعليق ده على قد ما وجعني ساعتها بيضحكني دلوقتي.
المهم, في بنتين اصحابي و اهلهم اصحاب اهلي لقوني متضايقة حبتين قالولي ماهو اصل انت العبيطة, الحجات دي مبتمشيش كده, الولاد مبيحبوش الصراحة , لازم لف و دوران. على قد ما الموضوع ده حسيسيني اني في مؤمرة حاربية مش قصة حب قلت ماشي انا وراكم للأخر. بصوا يمين و شمال و قالوا بينهم و بين بعض نعرفها على ابن عمتهم الكبير. هو حلو و بيشتغل و هي بتعمل تدريب صيفي... يايي يجننوا لايقين على بعض. و بدأ المخطط, اول مرة شوفته كان في عزومة في رمضان و كان واحد عادي يعني ملفتش نظري, بس انا قلتلكم نظرية الواسطة عندي, لو انت صاحب ناس اصحابي تبقى صاحبي بالتابعية. يوميها قالوا تعالوا نتسحر مع بعض, قال مش فاضي , ماهو شاب كوول و لازم نحجز معاه معاد قبلها بسنة. المهم قلنا خلاص هنخرج كلنا مع بعض (7-8 شباب تتراوح اعمرنا من 18 ل 25) في يوم كذا. من يوم العزومة ليوم ما خرجنا كل يوم تكلمني صاحبتي في التليفون و بالصدفة ترمي اسمه في وسط قصة و تبقى فرصة بقى ان احنا نتكلم عليه شوية. انا بعد تاني مكالمة اصلا كنت فهمت الموضوع و قلت نشوف , هو الواد حلو فعلا بس مش عارفة , و مش حاسة, بس ... ماشي. العيد اللي بعد رمضان فوتناه و العيد الكبير الاهل و الاصحاب سافرنا مع بعض شرم الشيخ , السفرية دي اثبتت انا الموضوع اي كلام. هو شاب حفلات و بحر و سهرات و رقص بليل, و انا حتى قبل الحجاب مش النوع ده. لأ مش بس كده ده الواد قالي مرة عايز اتكلم معكي في موضوع شخصي , الموضوع ده طلع ان صاحبه اللي نص طولي معجب بي و بيشوف لو في مجال. حاجة عظيمة فعلا. المهم الموضوع راح لحال سبيله و بعد 5 او6 اشهر. بعد ما كنت نسيت القصة خالص مرة انا و هو اتقابلنا بالصدفة في مكان, كان اصحابي متأخرين عليا فجيه وقف معايا شوية و قاعدنا نتكلم شوية و متفهموش ليه, الواد قرر اني مسلية, و كلم قرايبه قالهم تعالوا نخرج مع ياسمين تاني. المهم بعدها بشوية خرجنا ,و الواد لبس الحتة اللي على الحبل, و الجاكيت الجلد اللي عاملة ازاي و البارفن ال ايه و قعد جانبي و قاعد يرسم دور الشاب الجامد بس للأسف كانت فرصته راحت خلاص ل3 اسباب
اولا اني بعرد زميل مدرسة رقم 1 كلاكيت تاني مرة , قررت ان بدام الباب اتقفل مرة , ميتفتحش و ده اصلا بابه كان موارب و بعدين اتقفل. ثانيا, انه حقيقي مش النوع اللي بيعجبني اصلا,.ثالثا و ده الاهم, ان كان في شئ شبيه بموضوع بطل الكورة
Comments
i thought it was only me whose mother is fighting, complaining,quarreling with her daughter to get married quickly bec she is abt to complete 30 yrs after several months. but to stop annoying my mum, i decided to see any 3arees comes to me. i saw many; i refused lots and of course many refused me, that's life after all. and day after day i get disappointed, and feel sad for my mum esp that i am her only daughter and seeing me happily married is her only dream :)
ps i was a colleague of urs at primary and preparatory school but then i went to another school.
d
It seems its becoming a common nightmare.. mum's just can't accept it. My question for you is.. do you feel you should get married or is it just the society (and you're mum's )pressure? I think that's what counts