اسكتوا, مش انا بقيت مشهورة؟ مش مشهورة اوي يعني, نص مشهورة . او علشان ابطل مبالغة, اكون صريحة, ممكن اكون هابقى مشهورة , يوووه مش مهم, انا قصدي اقول اني غير القراء اللي انا عارفاهم و معرفهمش , شاركتني صاحبة ليا ان "انا اسفة , مش عايزة اتنيل" اتعرضت على اصوات عالمية , و ادي اللينك اهو علشان اعيش دور البنت المشهورة
http://globalvoicesonline.org/2010/09/04/egypt-wanna-be-a-bride-from-blog-to-tv/
نرجع لموضوعنا , مرة كدة في صيف سنة 3 تليفون البيت رن, و على غير العادة, انا رضيت على التليفون ( انتوا عارفين براوية من يومي و ماليش في التليفونات), المكالمة مشيت كده:
انا: الو
واحدة: الو, مساء الخير
انا:مساء النور
واحدة: ممكن اكلم مامت ياسمين
انا (طبعا بمنتهى الدهشة): انا ياسمين , مين معايا؟
واحدة: ازايك يا حبيبتي, انا مامت فلانة زميلتك في كورس الاسباني
(ايوة ايوة, من ضمن الدجات كتير اللي بدأتها و مكملتهاش, اللغة الاسبانية... و لو جاتلي فرصة, جايز ابدء تاني) ما عالينا
انا: اهلا و سهلا يا طنط, في حاجة؟
طنط: لو سمحت ممكن اكلم مامي؟
انا: خير يا طنط؟
الفضول طبعا هايموتني
طنط: عايزاها في موضوع
اديت التليفون لأمي و طبعا باكل في نفسي من الغيظ و الفضول . ممكن يعني اكون عملت ايه منيل لدرجة ان الست عايزة امي و مش راضية تكلمني انا! ايه يا عم القلق ده! اصلا انا كل علاقتي بالبنت انها معايا في درس الاسباني, لأ صحيح, في مرة كانت مرواحة مصر الجديدة هي و صاحبتها فا اخدتهم معايا بالعربية. تكون الست هاتقول لامي لو سمحت بنتك متعرفش بنتي تاني مثلا؟ و هي البنت هابلة مش عارفة تقول الكلمتين دول؟
امي خلصيت المكالمة و انا قال ايه قررت اعمل ثقيلة و ماسألش عن الموضوع. اكيد كان الفضول مرسوم على كل ملامحي بس انا وحش, انا جدع , مش عايزة اعرف اصلا. امي اصلا كانت بتتفادى انها تجيب عنيها في عنييا, و ده طبعا بيشعلل الفضول اكتر
خلاصنا العشاء و امي دخلت اتكلمت مع ابويا وو قفلوا الباب (و دي عمرها مبتكون علامة كويسة ...اكيد الموضوع قلق) المهم, دخلت انام و دماغي قعدت تودي و تجيب. و باعدين الصبح مش فاكرة ليه روحت الجامعة و لما رجعت أمي اعترفت على كل حاجة... الموصوع فيه عريس!!
ايه بقى الحكاية, ابن عمة البنت (اللي مش فاكرة اسمها بصراحة) كان مرة فايت عليها بعد الكورس يروحها فشافني و احنا نازلين من الكورس و قرر يتكلم مع مامت البنت. بالورقة و القلم , مواصفات الشاب كانت مش بطالة, و مش قادرة اوصفلكوا القلم اللي اخادته في نفسي يا معلم, الواد شافني و اتثبت...جمالي ابهره...ازاي يا رب انا جامدة كدة..مش هاقدر اوصفلكوا الاحساس يعني . قالوا فا ايه؟ هتروحي تشوفيه؟ قلقت شوية , هو صحيح لو انا عاجباه اوي كده, مجاش يكلمني ليه؟ امي قالتلي, علشان اكيد مكنتيش هاترضي تكلميه طبعا. قلتلها و مين قال كده؟ اكيد كان هايكون احسن من ان طنط تكلمك يعني, حتى على الاقل اكون انا شوفته و حددت موقفي قبل ما يخش الموضوع في اهالي! اعتقد ان امي جالها صدمة من افكاري المجنونة و اعتقد ان دي كانت بداية ادراكها اني اميل الى التحرر و اكره التقاليد . برده ما عالينا , بعد ما اختلفنا كتير في الموضوع ده اتفقنا اني ماشي هاشوفه.
المهم روحنا قابلناهم ,ماكنش في كيمياء خالص...خالص...خالص. الحقيقة مش فاكرة عنه كتير, عارفين الشخصيات اللي مبتسيبش اي انطباع؟ لا معاه ولا ضده... المهم و احنا مروحين امي طبعا سألتني في 3 كلمات اصبحه من المحفوظات بمرور الوقت "ها يا ياسمين؟" السؤال ده بجد بكره تقريبا قد ما بكره عقبالك! المهم, اول لما امامي سألت, انا اتفتحت في العياط
ليه يا بنتي؟ مالك يا حبيبتي؟ حصل ايه بس؟ حاولت اشرح و هي حاولت تفهم بس موصلناش لحاجة. نفس الحوار ده لسه بنقولوا لحد انهرده مع قليل من التطورات و تعقيدات الحزوار. خالينا في موضوعنا . حاولت اشرح ان الولد مافيهوش حاجة غلط, بس برده مفيهوش حاجة صح. حاولت اقول اني صعب عليا نفسي قوي لما فكرت اني بتجوز الولد ده بالطريقة دي و انا لسه عندي21 سنه. حسيت اكيد في احسن من كده, انا عايزة حب زي الافلام مش اي جوازة كده و السلام. غالبا مش هتقدروا تفهموني او هاتحسوا اني مغرورة, متعجرفة(هي مش الكلمة بتتقال كده برده؟) قولوا اللي انتوا عايزينوا بس فاكروا فيها كده: انا كان عندي طموحات و احلام, وجربت الحب قبل كده, ماكنتش شايفة سبب يخليني انتنازل عن احلامي دي.
و دي كانت حكاية عريس 2 و نهاية مرحلة الانفتاح
http://globalvoicesonline.org/2010/09/04/egypt-wanna-be-a-bride-from-blog-to-tv/
نرجع لموضوعنا , مرة كدة في صيف سنة 3 تليفون البيت رن, و على غير العادة, انا رضيت على التليفون ( انتوا عارفين براوية من يومي و ماليش في التليفونات), المكالمة مشيت كده:
انا: الو
واحدة: الو, مساء الخير
انا:مساء النور
واحدة: ممكن اكلم مامت ياسمين
انا (طبعا بمنتهى الدهشة): انا ياسمين , مين معايا؟
واحدة: ازايك يا حبيبتي, انا مامت فلانة زميلتك في كورس الاسباني
(ايوة ايوة, من ضمن الدجات كتير اللي بدأتها و مكملتهاش, اللغة الاسبانية... و لو جاتلي فرصة, جايز ابدء تاني) ما عالينا
انا: اهلا و سهلا يا طنط, في حاجة؟
طنط: لو سمحت ممكن اكلم مامي؟
انا: خير يا طنط؟
الفضول طبعا هايموتني
طنط: عايزاها في موضوع
اديت التليفون لأمي و طبعا باكل في نفسي من الغيظ و الفضول . ممكن يعني اكون عملت ايه منيل لدرجة ان الست عايزة امي و مش راضية تكلمني انا! ايه يا عم القلق ده! اصلا انا كل علاقتي بالبنت انها معايا في درس الاسباني, لأ صحيح, في مرة كانت مرواحة مصر الجديدة هي و صاحبتها فا اخدتهم معايا بالعربية. تكون الست هاتقول لامي لو سمحت بنتك متعرفش بنتي تاني مثلا؟ و هي البنت هابلة مش عارفة تقول الكلمتين دول؟
امي خلصيت المكالمة و انا قال ايه قررت اعمل ثقيلة و ماسألش عن الموضوع. اكيد كان الفضول مرسوم على كل ملامحي بس انا وحش, انا جدع , مش عايزة اعرف اصلا. امي اصلا كانت بتتفادى انها تجيب عنيها في عنييا, و ده طبعا بيشعلل الفضول اكتر
خلاصنا العشاء و امي دخلت اتكلمت مع ابويا وو قفلوا الباب (و دي عمرها مبتكون علامة كويسة ...اكيد الموضوع قلق) المهم, دخلت انام و دماغي قعدت تودي و تجيب. و باعدين الصبح مش فاكرة ليه روحت الجامعة و لما رجعت أمي اعترفت على كل حاجة... الموصوع فيه عريس!!
ايه بقى الحكاية, ابن عمة البنت (اللي مش فاكرة اسمها بصراحة) كان مرة فايت عليها بعد الكورس يروحها فشافني و احنا نازلين من الكورس و قرر يتكلم مع مامت البنت. بالورقة و القلم , مواصفات الشاب كانت مش بطالة, و مش قادرة اوصفلكوا القلم اللي اخادته في نفسي يا معلم, الواد شافني و اتثبت...جمالي ابهره...ازاي يا رب انا جامدة كدة..مش هاقدر اوصفلكوا الاحساس يعني . قالوا فا ايه؟ هتروحي تشوفيه؟ قلقت شوية , هو صحيح لو انا عاجباه اوي كده, مجاش يكلمني ليه؟ امي قالتلي, علشان اكيد مكنتيش هاترضي تكلميه طبعا. قلتلها و مين قال كده؟ اكيد كان هايكون احسن من ان طنط تكلمك يعني, حتى على الاقل اكون انا شوفته و حددت موقفي قبل ما يخش الموضوع في اهالي! اعتقد ان امي جالها صدمة من افكاري المجنونة و اعتقد ان دي كانت بداية ادراكها اني اميل الى التحرر و اكره التقاليد . برده ما عالينا , بعد ما اختلفنا كتير في الموضوع ده اتفقنا اني ماشي هاشوفه.
المهم روحنا قابلناهم ,ماكنش في كيمياء خالص...خالص...خالص. الحقيقة مش فاكرة عنه كتير, عارفين الشخصيات اللي مبتسيبش اي انطباع؟ لا معاه ولا ضده... المهم و احنا مروحين امي طبعا سألتني في 3 كلمات اصبحه من المحفوظات بمرور الوقت "ها يا ياسمين؟" السؤال ده بجد بكره تقريبا قد ما بكره عقبالك! المهم, اول لما امامي سألت, انا اتفتحت في العياط
ليه يا بنتي؟ مالك يا حبيبتي؟ حصل ايه بس؟ حاولت اشرح و هي حاولت تفهم بس موصلناش لحاجة. نفس الحوار ده لسه بنقولوا لحد انهرده مع قليل من التطورات و تعقيدات الحزوار. خالينا في موضوعنا . حاولت اشرح ان الولد مافيهوش حاجة غلط, بس برده مفيهوش حاجة صح. حاولت اقول اني صعب عليا نفسي قوي لما فكرت اني بتجوز الولد ده بالطريقة دي و انا لسه عندي21 سنه. حسيت اكيد في احسن من كده, انا عايزة حب زي الافلام مش اي جوازة كده و السلام. غالبا مش هتقدروا تفهموني او هاتحسوا اني مغرورة, متعجرفة(هي مش الكلمة بتتقال كده برده؟) قولوا اللي انتوا عايزينوا بس فاكروا فيها كده: انا كان عندي طموحات و احلام, وجربت الحب قبل كده, ماكنتش شايفة سبب يخليني انتنازل عن احلامي دي.
و دي كانت حكاية عريس 2 و نهاية مرحلة الانفتاح
Comments
bs walahi bete3rafy tekteby kewayes ;)
el global voices etsarafet beky.