Skip to main content

لاء بأة

لاء بأة مش بحبك
و مش وحشنى خالص
و مش فرقه معايا اشوفك ولا لاء
و مش مهم تكلمنى ولا لاء
و بعيدين يعنى مش فهمه , هو الى خلقك يعنى مخلقش غيرك
طز
انا اصلا مبفكرش فيك
ولا بحلم بيك و لا بتيجى على بالى اصلا يعنى
ولا بستنى مكلمتك كل يوم
ولا حتى بتفرق معايا انك يفوت اسبوع متتصلش
يا سلام يعنى
ليه انت فاهم انى الثلاثة ثوانى الى بشوف فيهم عنيك بيخلوا قلبى يرفرف زى الفراشة بين ضلوعى
و ليه متصور انك لما بتبتسم بحس انى زي العيال الصغيرة جبت النمرة النهائية في الامتحان
بالمناسبة
كل دى تهئات فى دماغاك انت بس
دا حتى انت مش فارق معايا
ولا بيهمنى انت كويس ولا لاء
و مبسوط ولا لاء
ولا كأن لما بتزعل بيهون عليا اطبق فى زمارة رقبت اللى بيزعلك
حتى لو كنت انا شخصيا

انا بس عندى ليك سؤال واحد
ليه انت عارف كل ده و انا حتى معرفش اذا انت عارف انت مين ؟ مش ونبى ده اسمه ظلم

و فى الختام
مبحبكش
ياسمين
Labels:

Comments

Anonymous said…
أيوة، هو بالضبط كده
May 19, 2008 at 7:19 PM
Post a Comment

Popular posts from this blog

الفرق بين الطبخ على نار هادئة والطبخ السريع

 لاحظت إن بقى لى فترة كل تدويناتي إما تتحدث عن الحب (أو عدمه) والمشاعر (أو عدمها) أو تدوينات حزينة نكدية بتبني جو من  الكآبة العامة اللي محدش لا طايقها ولا ناقصها اصلا. فقررت بيني وبين نفسي أني مش هكتب حتى يكون عندي شئ خفيف وظريف أكتب عنه. المشكلة للأسف اللي وجهتني هي أن كل اللي بيدور في بالي دلوقتي إما الشغل ومشاكله اللي مبتخلصش أو حوار المشاعر اللي قلت إني مش هتكلم فيه، فقررت أسكت. بس النهارده وأنا في العربية مراوحة البيت من الشغل جائت لي فكرة قلت رغم إنها بتكسر شوية القرار اللي فوق إلا إنها تمشي مع فكرة خفيفة فممكن نعملها إستثناء فكرت في قد إيه "الإعجاب أو الإنبهار" بشخص ده عامل زي طرق الطبيخ، فيها السريع واللي على نار هادئة والللي الواحد يقعد يجهز فيه ويستنى عليه في الفرن إنه يستوي، مبيستويش. طبعا أنا محبب عليا أقول "الحب عامل زي الطبيخ"، بس من ناحية، أنا لسة من كام يوم بقول إن الإعجاب محتاج كثير علشان يبقى حب أصلا، ومن ناحية تانية حسيت إن الجملة مستهلكة جدا من قبل النكت القالشة.    أنا كنت طول عمري بميل للطبيخ السريع، زي طريقة "ستير فراي"، في...
1 comment
Read more

Reflections on tolerance , intelligence and beauty

Tolerance I find it really interesting how many people who claim themselves open-minded , sophisticated , cultured and well-read would use the word "tolerance" to justify socially unacceptable behavior or ideologies. They would claim themselves tolerant to different religious/spiritual views, to taboo topics, eccentric friends ,...etc and even preach the more reserved about tolerating and accepting others. Yet, these very "tolerant" people would not even remotely accept a conservative or religious person. A girl I know , to prove her so-called tolerance would always preach "Guys, you should always be more tolerant. Take things easier. The world is very diverse and we should learn to accept each other. For one, I learned to cope with things; I even lived with a gay flat-mate when I lived in the US and I have friends of all faiths." This same girl, when talking to me about my own brother would still say "I can't stand how those so called religious...
9 comments
Read more

انا اسفة , مش عايزة اتنيل -0

بمناسبة شهر رمضان الكريم اللي الناس فيه بتبقى زهقانة و عايزة حكايات و بمناسبة اني كل ما اقعد قدام التلفزيون الاقي مسلسل مختلف فيه سوسن بدر بتقول لإبنها او بنتها "عقبال ما افرح بيكي و بمناسبة اذاعة مسلسل عايزة اتجوز اللي كل الناس بتبصلي اني المفروض اخده مثل اعلى و اروح ادور على عريس و بما ان عادة المصريين ان لازم ينكدوا على الواحد في اي مناسبة سعيدة و يفكروا باللي نقصوا في حياتوا و بمناسبة كلمة "عقبال" اللي عمري ما حبيتها ولا طيقتها و بمناسبة العريس الاخير , توتو عضلات اللي خلاني جبت اخري و قلت " رضينا بالهم و الهم مارضيش بينا و بمناسبة حالة الاكتئاب الاخيرة الي كنت فيها مش عارفة اشوف ربع الكوباية المليان احب اشارك معاكوا حكيتي مع الحب و الجواز و الذى منه , هاسميها "انا اسفة , مش عايزة اتنيل" . الحكاية دي فيها فضايح , و اعترافات , جزء لا بأس به من تاريخي الاسود . القصص كتير , منها الي يضحك و منها الي يبكي بس في الاخر هيا حصليت خلاص , و تسببت في تكوين شخصيتي و الي حصل حصل , و جائز لو شاركت الناس, تقدروا انا ليه بقيت كده في ناس هاتزعل مني , عادي متوقعة, ما اك...
3 comments
Read more