Skip to main content

The eid prayer ... صلاة العيد

This piece has been on my mind for a very long time.. but I never got through to actually write it. It's my first post in Arabic... I need some encouragement.

الله اكبر ...الله اكبر ...الله اكبر ...لا اله إلا الله
يا بابا ﻷ, مش عايز اجي , سيبونى انام شويه
الله اكبر ...الله اكبر و لله الحمد
يوه يا ماما, الدنيا سقعة اوى... علشان خطرى سيبونى انام شويه
الله اكبر كبيرا
و بعدين انا اصلا مش بحب الوح الجامع.... زحمة اوى
و الحمد لله كثيرا
طب خلاص انا لبست اهه... ممكن بائه يا بابا تشيلنى لحد الجامع
و سبحان الله بكرة ة اصيلا
بابا... هو ليه الاذان مش زي كل جمعة؟
لا اله الا الله وحده
تكبيرة العيد!! يعني ايه تكبيرة العيد؟
صدق وعده
ايوة صح , انا ولد كبير ... دا حتى انا صمت السنة دى لحد الظهر و ماما قالت السنة الجاية ممكن اصوم لحد العصر
ونصر عبده
ياااااه.. يا بابا الجامع زحمة اوى... بص بص... التاس بتصلى على الرصيف و في الجنينة
و هزم الاحزاب وحده
لأ بابا .. ممكن لو سمحت نصلى مع ميدو و بابه... انا شفتهم فى الجنينة ..
لا اله الا الله
انتا برده صحوك بدرى يا ميدو؟
ولا نعبد الا اياه
لا... بابا قال اسمها تكبيرة العيد
مخلصين له الدين و لو كره الكافرون
بيقول كافرون... انا حافظ قل ياأيها الكافرون.. انت حفظتها ولا لسه؟
الهم صلي على سيدنا محمد
بابا بابا .. الراجل بيقولي كل سنة وانا طيب.. اقوله ايه؟
و على ال سيدنا محمد
ابوسوه ازاي بس يا بابا و انا معرفوش؟
و على اصحاب سيدنا محمد
طيب حاضر... كل سنة و حضرتك طيب يا انكل..*بوسة*
 و على ازواج سيدنا محمد
بابا بابا... انكل ادانى البمبونية ديه! ممكن اكلها دلوقتى؟
و على ذرية سيدنا محمد و سلم تسليما كثيرا
ميدو.. بابا بيقول نسكت دلوقتي و نصلى

.....
....
....

يالا نمشى باءه يا بابا
لسه فى تانى؟
طيب حاضر
و حضرتك طيب ..
و كمان بمبونى
و حضرتك طيب
و حضرتك طيب
خلاص هنمشى؟ طب باى باى يا ميدو
ﻷ انا معيا خمسة بمبونى
و سلمت على الناس كلها و بستهم زى منتا قلت يا بابا
و كنت مؤدب ..صح؟
بابا.. ممكن نقول تانى زي الراجل؟
الله اكبر الله اكبر الله اكبر
لا اله الا الله
Labels:

Comments

Anonymous said…
Your first Arabic post is really nice, small and simple yet expressive...
I like the one sided conversation style..:):)

You know what? I think I'll post my first Arabic post today too...you encouraged me :)

P.S. Kol sana wenta tayeba :)
October 13, 2007 at 3:26 PM
Drama Queen said…
This comment has been removed by the author.
October 16, 2007 at 2:10 PM
Drama Queen said…
Very noce ya zeww. clear message, cute monologue, and definitly entertaining as all your posts. keep posting in arabic. excellent start :)

Henzozza
October 16, 2007 at 2:22 PM
Post a Comment

Popular posts from this blog

الفرق بين الطبخ على نار هادئة والطبخ السريع

 لاحظت إن بقى لى فترة كل تدويناتي إما تتحدث عن الحب (أو عدمه) والمشاعر (أو عدمها) أو تدوينات حزينة نكدية بتبني جو من  الكآبة العامة اللي محدش لا طايقها ولا ناقصها اصلا. فقررت بيني وبين نفسي أني مش هكتب حتى يكون عندي شئ خفيف وظريف أكتب عنه. المشكلة للأسف اللي وجهتني هي أن كل اللي بيدور في بالي دلوقتي إما الشغل ومشاكله اللي مبتخلصش أو حوار المشاعر اللي قلت إني مش هتكلم فيه، فقررت أسكت. بس النهارده وأنا في العربية مراوحة البيت من الشغل جائت لي فكرة قلت رغم إنها بتكسر شوية القرار اللي فوق إلا إنها تمشي مع فكرة خفيفة فممكن نعملها إستثناء فكرت في قد إيه "الإعجاب أو الإنبهار" بشخص ده عامل زي طرق الطبيخ، فيها السريع واللي على نار هادئة والللي الواحد يقعد يجهز فيه ويستنى عليه في الفرن إنه يستوي، مبيستويش. طبعا أنا محبب عليا أقول "الحب عامل زي الطبيخ"، بس من ناحية، أنا لسة من كام يوم بقول إن الإعجاب محتاج كثير علشان يبقى حب أصلا، ومن ناحية تانية حسيت إن الجملة مستهلكة جدا من قبل النكت القالشة.    أنا كنت طول عمري بميل للطبيخ السريع، زي طريقة "ستير فراي"، في...
1 comment
Read more

انا اسفة , مش عايزة اتنيل -0

بمناسبة شهر رمضان الكريم اللي الناس فيه بتبقى زهقانة و عايزة حكايات و بمناسبة اني كل ما اقعد قدام التلفزيون الاقي مسلسل مختلف فيه سوسن بدر بتقول لإبنها او بنتها "عقبال ما افرح بيكي و بمناسبة اذاعة مسلسل عايزة اتجوز اللي كل الناس بتبصلي اني المفروض اخده مثل اعلى و اروح ادور على عريس و بما ان عادة المصريين ان لازم ينكدوا على الواحد في اي مناسبة سعيدة و يفكروا باللي نقصوا في حياتوا و بمناسبة كلمة "عقبال" اللي عمري ما حبيتها ولا طيقتها و بمناسبة العريس الاخير , توتو عضلات اللي خلاني جبت اخري و قلت " رضينا بالهم و الهم مارضيش بينا و بمناسبة حالة الاكتئاب الاخيرة الي كنت فيها مش عارفة اشوف ربع الكوباية المليان احب اشارك معاكوا حكيتي مع الحب و الجواز و الذى منه , هاسميها "انا اسفة , مش عايزة اتنيل" . الحكاية دي فيها فضايح , و اعترافات , جزء لا بأس به من تاريخي الاسود . القصص كتير , منها الي يضحك و منها الي يبكي بس في الاخر هيا حصليت خلاص , و تسببت في تكوين شخصيتي و الي حصل حصل , و جائز لو شاركت الناس, تقدروا انا ليه بقيت كده في ناس هاتزعل مني , عادي متوقعة, ما اك...
3 comments
Read more

Reflections on tolerance , intelligence and beauty

Tolerance I find it really interesting how many people who claim themselves open-minded , sophisticated , cultured and well-read would use the word "tolerance" to justify socially unacceptable behavior or ideologies. They would claim themselves tolerant to different religious/spiritual views, to taboo topics, eccentric friends ,...etc and even preach the more reserved about tolerating and accepting others. Yet, these very "tolerant" people would not even remotely accept a conservative or religious person. A girl I know , to prove her so-called tolerance would always preach "Guys, you should always be more tolerant. Take things easier. The world is very diverse and we should learn to accept each other. For one, I learned to cope with things; I even lived with a gay flat-mate when I lived in the US and I have friends of all faiths." This same girl, when talking to me about my own brother would still say "I can't stand how those so called religious...
9 comments
Read more